21. Spieltag: Fortuna Düsseldorf - VfB Stuttgart

Griassgott au zuam wichdigschden Schbiel von denna Fortuna un däa akduelle Relegazionsbladzinhanr VFB Schduagard in der wo unserr heimsch‘n Spielarena (un for de Schwaub : Noi Noi , nedd em Ikea-Bällebad).

Des isch doch zom Hennamelga was denna zwoi Mannschaffte do zammaschbild. Des is nix gscheids un d’Hosa voll hannd bis zom Breis. Woischd Karle, Do solschd emol a Bergschteigr Müsli esse, dann hädschd au net emmer die Problemma mit dei Verdauung.

Ok, meiner buckligen schwäbischen Verwandtschaft, insb‘sondre mei Bäsle „Grischdine“, werden nach dieser Einleitung jetzt wohl die Nackenhaare zu Berge stehen, weshalb ich dann mal besser wieder ins landesweit verständlichere Hochdeutsch wechseln werde.

Dä VFB schtonnd medem Rögge zor Wand un künnt med dreei Ponkte ons op de Pelz rötsche. Ävver och unsre Forteng häddenne joode Schangse, sisch von dänne Schwohbe met zäng Ponkte affzosätze. Jo leck misch en de Täsch, dat wehd änne rischtisch spannende Kremmi.
Un nit noor de Mannschaffte hannd hä ordentlisch Drock op’m Kessel, och isch hann minge joode Reputazion met denne 100-prozentische verlostponktfreie Bundesliga-STT-Eröffnung op et Spill jesetzt. Na joot, isch hann ooch nor emol watt zamme jekritzelt, ever dat wor ene 6-ponkte-Spill jäje Augsburg.

Apropos 6-Ponkte-Spill … da hannt dä Spätzle-Bomber ja lätzte Sonndach nochemol, vunn dä fiese Flabes Niederleschner, Spetz op Knopp enne innjeschänkt jekrischt. Wat ene Malörschen, för allem weil dä Jommes noch dä ruude Kattong jesenn hätt. Ävver dä Fitzkarjöner hätt de Kopp eh nor zom Hoorewosche.

Dat wor ja dann fast Möndschesmaß för unsre Forteng, och wänn dä Schwaatlappen Weinzierl us dä Botze jespronge iss. Nu wolle mer hoffe, datt de Schwohbe net jrod am Sonndach unjemöhtlisch wähde, denn datt is schonn sujet wie de lätzte Schangs för denne. Drumm sit esu jot un lost dat sinn.

Un dobei worens de Schtuttjarder sooo sischa, datt se diss Johr dorschstarde wöhd, ävver eeschtens kütt et angers un zweetens als de denks. So watt jitt dat wenn et fädisch is? Datt janze jeschwade met demm ville Drömeröm?
Do kannze zwar dä Pavard behalde und dä Jonzales, dä Sosa, Maffeo, Castro oder Didavi verflüschte und och jähz noch dä Kabak hingerherjaare, doch do kütt nix bei röm. Wenn do mol de janze Transfer-Kamelle för de fönf Jonges zosammeraffst, dann sinn datt alehn 47 Millione Penunzen bei dä Kniesbüggel, watt bei ons dä rappelvolle Mannschaftsboss met samt dä Kotscher kost.
Sojahr dä Kownacki wollte se ons affjahre, denn die jönnt ons nit dat Schwatze unger de Näl, ävver dä Jong häddene joode Charackter und luhrt nitt nor no de Nüssele.

Wenn do nor överlähst, datt dä Scheng do ussrangjiert wohd und bei ons dä drittdüürste Transfer wohr und dä Mattes sojar für omsünst an dä Rhing jewähtselt und hück us unsre Rievkochetropp nit mieh wegzodenke iss, dann spreescht datt schon Bände. Och dä Marceng is zwor jelenkisch wie en Ihsebahnschien, ävver miestens bei ons jesähtzt un da wolle mer hoffe, dat singe Ping bis Sonndach widder fott is, dänn dä Jong hätt jejen Schlacke05 mäschtisch jefählt. Jedefalls kannste do mal sinn, datt de rischste Bure doch nit immer de dickste Ädäppel hannt. Denn watt nix is, datt is och nix.

Im Hinspill im Schwobbeländle hannt de Schtuttjarder fies Jlöck jehatt, denn do wore mer ävver suwatt vunn besser und et dorf nit wohr sinn, wie mer do zom Verrecke över dä Ball jetrete sinn. Na do kannste jähtz nix mieh dran maache, süch nor zo, datt et am Sonndach bessr weed. Drömm jangkt inne Arena, denn do es Stöpp in de Buud.

Jenoch jeschwad, lommer luure wä am Sonndach dobei iss. Dä Jommes blifft schomma Zuhuss und mer mösse kicke, op dä Aogo widder fit is. Datt könnt dann so sinn:

Zieler, Pavard, Kabak, Kempf, Insua, Gentner, Acabar, Zuber, Esswein, Donis, Gonzales

Onsre Forteng hätt noch dat fiese Pokalspill in de Grot un dä Drobny hätt do mieh Fleeje als Bälle jefange. Am Eng sätz dä eh op dr Bank, wenn dä Rense widder do is. Wenn dann no dä Marceng und dä Scheng zoröck kütt, dann wöhd isch us dä Lamneg domet räschne:

Rensing, Zimmermann, Ayhan, Kaminski, Gießelmann, Bodzek, Morales, Fink, Zimmer, Lukebakio, Kownacki

Un weedet am Sonndach och widder räne? Wenn et nit ränt, dann dröpp et. Trotz dä Joohrezitt is dat Daach wohl widder nit zo. Dä Schiri kemmer no nitt, ävver bei onsrem Jlöck krimmer dä Aytekin zujelost.

Watt hann isch üsch sunz noch zo verzelle? Oh jo …

Watt kütt dat kütt und et kütt wie et kütt und mer müsse et nemme wie et kütt. Ävver et hätt noch immer joot jejange.

Oder wie onsre @fortengsähzischfümmenünzisch sohre wähd : Leeve Jott, lott dä Lotz met ons sinn.
Эта статья в последний раз редактировалась ToteHose 07 февр. 2019 г. на 12:22 Часов